Kini' Keng Legghah, Irit Keng Sarnyet: All New Jazz 2009

Engko’ tak bisa lang-ngalangi oreng se melliyah All New Jazz! Sakabbhinah oreng lakar la jhathu mun ka riyah!

Mun melle Jazz, benni ghun polanah modela se seddha’. Masalah model pola ghi’ badah Fiat 500 (se ce’ lucunah) otabah MINI (se akaton larang). Tapeh Jazz andi’ sakabbhinah: ariyah bisa alakonih apa bhaih se ekakarep bi’ be’na, tak kira kastah ja’, tak usa kose makalowar pesse mira plastikan otabah pello koning mun ghun nganthang narjha-ah eggasah se lembu’.

All New Jazz padah lah bi’ se konah, keng ghun lebbi bhaghus pole. Lhaaa....

Abas dalemah, lebbi sepa’ ban legghah. Messinah lebbi aora’. Bingsin lebbi irit. Pas mas’alah settiran bi’ tompa-an lakar nyamanan!

Mun terro jan gaya-ah, coba EX trim (Inggrisan riyah!), velg nam-bhellasan, jan tajham ka settiran, keng ngurangi sakoooni’ lembu’na essok. Pas panoramic sunroof-ah pole, lakar kobessah mun pas kacah alarpa’ dari atassah supir sampe du inchi talambhes ka panumpang budih. Lhaaa....

Jhat lakar manis motor riyah koh, ban pole settirennah nammang. Posisi katoju’an din supir lebbih serdang, pangabasan ka ada’ lebbi kobessah timbhang se konah. Pangabasan ka budih kiyah nyaman sarah. Kacanah bar-lebar. Dasbotah pole erancang manyaman panumpang, benya’ kennengannah ba’-nyaba’.

Keng motor riyah ghi’ tada’ bluetooth-a. Mun emelliyaghinah, coba’ merk lowaran, Parrot ban samacemah. Mun nambaih Satnav (vi-tiviyan se badah neng dashbot waa) bak larang kiyah ghi’. Ella lah, kop-cokop bhaih, jhe’ mellih Jazz benni keng polanah the’ carenthe’nah. Iye kan?

Mun baddhanah num-inuman nambhuruk. Badah mun sajhina paleng sakabbhinah. Enja’ rah, keng para’. Mun tak lebbi??? Bitong dhibi’. Bagasinah legghah, 366 liter, raja’an bi’ tor-motor se raja-an. Pas korseh ghi’ bisa eyator masajan legghah, bisa etekep, kabbhi otaba ro-saparoh.

Dalamanna Jazz lakar ekoca’ “magic system”, tak eka-andi’ tor-motor laenah. Ca’ Inggris pole riyah. Ye polanah kini’ keng legghah. Mun lowarah, manis tada’ padah!

Settiran bi’ tompa-an lakar korang lang-nguh mun ebhandhingaghi bi’ Fiesta (Ford), Mazda 2, otabah Ibiza (SEAT). Tapeh jha’ tor-motor riyah tak maso’ ka Indonesia ja’, ma’ pas eparo’noro-ah. Tak iyeh?

Enja’ lah. Benni riyah se-ekaparloh dari Jazz. Mun la mellih Jazz, ca’na se ghella’, tak kerah kastah jha’!

(Mun maca’ah tang review se aca’ Inggris aslinah, coba’ klik HonestJohn)